Pse Vuçiç kërkon të vizitojë Ujmamin, dhe çfarë ka të veçantë ky liqen


Presidenti i Serbisë Aleksandër Vuçiç do të vizitojë Kosovën ditën e sotme, dhe ai ka insistuar të vizitojë përveç Mitrovicës edhe liqenin e Ujmanit që gjendet në veri të Mitrovicës. Autoritetet e Kosovës në fillim nuk i dhanë leje, por më pas Ministri i Jashtëm Behgjet Pacolli tha se kishte presion ndërkombëtar dhe iu dha leja Vuçiçit që të vizitojë Ujmanin.

Por pse është kaq i rëndësishëm liqeni i Ujmanit?

Është lakuar shumë se me të ashtuquajturin “korrigjim i kufijve” sipas idesë së Thaçit, Ujmani mund t’i kalojë Serbisë.

Liqeni i Ujmanit gjendet 70% në territorin e Kosovës dhe 30% në territorin e Serbisë.

Liqeni është ndërtuar në vitet 1979-1984 dhe është liqeni me i madh në Kosovë me sipërfaqe 11.9 km katrorë.

Pa ujin e liqenit të Ujmanit termocentralet e Korporatës Energjetike të Kosovës, nuk mund të ftohen, e kësisoj i bie që pa atë liqen Kosova mbetet pa energji elektrike.

Gjithashtu në rastet e thatësirave liqeni përdoret për të mbushur disa rezervuarë afër Prishtinës dhe rrethinat.

Nëse nuk ekziston ky liqen Kosova e ka të pamundur të ndërtojë një ndër investimet me të mëdha në energji, siç është Termocentrali Kosova e Re, dhe janë gjithsej 7 komuna në Kosovë qe furnizohen me ujë nga ky liqen.

Gjithashtu 35% e banorëve të Prishtinës furnizohen me ujë nga Ujmani, dhe janë disa fabrika shumë të rëndësishme që marrin ujë nga ky liqen, e pa të nuk mund të funksionojnë. /Pasqyrimi.com

Advertisements

Lini një Përgjigje

Plotësoni më poshtë të dhënat tuaja ose klikoni mbi një nga ikonat për hyrje:

Stema e WordPress.com-it

Po komentoni duke përdorur llogarinë tuaj WordPress.com. Dilni /  Ndryshoje )

Foto Google+

Po komentoni duke përdorur llogarinë tuaj Google+. Dilni /  Ndryshoje )

Foto Twitter-i

Po komentoni duke përdorur llogarinë tuaj Twitter. Dilni /  Ndryshoje )

Foto Facebook-u

Po komentoni duke përdorur llogarinë tuaj Facebook. Dilni /  Ndryshoje )

Po lidhet me %s

Këtë e pëlqejnë %d blogues:
search previous next tag category expand menu location phone mail time cart zoom edit close