PASQYRIMI

Thjesht, shpejt, bukur, saktë…

Histori/ Çfarë ka ndodhur me 30 dhjetor ?


1622 – Në kolonitë britanike në Amerikë, Robert Gorges emërohet i pari guvernator i përgjithshëm i Anglisë së re (Nju England). Robert Gorges kishte qenë kapiten në marinën angleze. Pasi shërbeu në luftërat veneciane, atij iu dha mandati i Guvernatorit të Përgjithshëm të Nju Englandit dhe emigroi në atë që sot quhet Weymouth, në Massachusetts.

1906 – Irani shpallet monarki kushtetuese. Sistemi i monarkisë kushtetuese ishte rezultat i Revolucionit iranian (1905) dhe mori fund në vitin 1925 me ardhjen e Reza Shah Pahlaviit në fron.

1916- Rasputini “murgu i tërbuar” u vra nga dy të afërmit e Car Nikollës. Rasputin, i njohur për ndikimin e madh ndaj Careshës, u rrah dhe u qëllua për vdekje, pasi helmi nuk kishte dhënë rezultat.

1922 – Krijohet Bashkimi i Republikave Socialiste Sovjetike, BRSS ose Bashkimi Sovjetik, me rrënjët në Revolucionin Rus të vitit 1917, i cili rrëzoi autokracinë perandorake; pastaj Bolshevikët, të udhëhequr nga Vladimir Lenini, përmbysën Qeverinë e Përkohshme dhe themeluan Republikën Socialiste Federative të Rusisë; dhe kështu filloi Lufta Civile ruse. Ushtria e Kuqe hyri në disa territore të ish-Perandorisë cariste ruse dhe ndihmoi komunistët vendas të merrnin pushtetin. Në vitin 1922, bolshevikët dolën fitues, duke formuar Bashkimin Sovjetik me përfshirjen e republikave ruse, transkaukaziane, ukrainase, dhe bjelloruse.

1924 – Astronomi amerikan Edwin Hubble shpalli ekzistencën e një galaksie tjetër krahas “Udhës së Qumështit. Deri atëherë, shkencëtarët besonin se “Udha e Qumështit ishte e vetmja galaksi. Hubble (20 nëntor 1889 – 28 shtator 1953) luajti një rol vendimtar në krijimin e fushës së astronomisë ekstragalaktike dhe në përgjithësi konsiderohet si një nga kozmologët më të rëndësishëm vëzhgimor të shekullit të 20-të. Hubble është i njohur për teorinë, tashmë Ligji Hubble, se ngadalësia e lëvizjes së një galaktikë rritet me distancën e saj nga toka, duke nënkuptuar se universi po zgjerohet. Hubble është i njohur edhe për mbledhjen e dëshmive të konsiderueshme rreth “mjegullnajave” për të cilat thotë se janë në fakt galaktika përtej Rrugës së Qumështit.

1940 – Në Shkodër – vdiq Gjergj Fishta, 69 vjeç; prift françeskan, poet kombetar, themelues i shoqërisë Bashkimi në Shkodër (1899), që punoi për shqipen e përbashkët, fjalorin, alfabetin; kryetar i Komisionit të alfabetit shqip në Kongresin e Manastirit(1908). Më 1913, themeloi revistën e njohur kulturore “Hylli i Dritës”.

Atë Fishta ishtë deputet i Shkodrës në Parlamentin e parë shqiptar dhe nënkryetar; përfaqësoi Shqipërinë në Konferencën e Parisit(1909) dhe në Konferencën Ndërballlkanike 1930 – 1931. Poetin e madh e nderuan në shumë veprimtari: Më 1931 Greqia i dha dekoratën “Foenix”; ishte shqiptari i pare kandidat për Çmimin Nobel për letërsi; më 1939 Italia e bëri anëtar të Akademisë së saj. Poema epike “Lahuta e Malcis” është vepra i tij kryesore.

1944 – Në përpjekje për të shmangur luftën civile me komunistët në Athinë pas hyrjes së trupave aleate, kryeministri britanik Winston Çurchill e bindi mbretin Jorgo të Greqisë që të japë dorëheqjen nga froni. Mbreti grek kishte qenë në migrim në Londër.

1947 – Komunistët e mbështetur nga sovjetikët detyrojnë largimin nga froni të mbretit Mikail të Rumanisë, duke shtrirë kontrollin komunist në Evropën Lindore.

1985 – Mbi 100 arrestime kryen në Kosovë, ndërsa autoritetet jugosllave thane se kishin zbuluar një komplot për nxitjen e separatizmit dhe nacionalismit shqiptar. Shumë prej të arrestuarve ishin mësues dhe profesionë të ndryshëm që ishin diplomuar nga Universiteti i Prishtinës. Gjatë hetimeve, autoritet zbuluan se organizata ilegale e quajtur Lëvizja e Çlirimit synonte pavarësinë e “Shqipërisë së Madhe” me përfshirjen e trojeve të banuara nga shqiptarët në Serbi, Mal të Zi e Maqedoni. Sipas hetimeve, Lëvizja e Çlirimit ishte një nga grupet më të organizuara që vepronte në fshehtësi të plotë, dhe në shumë drejtime ishte krejt ndryshe nga organizatat e tjera ilegale shqiptare. Në radhët e anëtarëve të saj kishte oficerë të ushtrisë jugosllave dhe informatorë brenda forcave të sigurimit, çka e bënte të vështirë për t’a goditur. Lëvizja e Çlirimit të Kosovës ishte angazhuar në akte sabotimi, kishte rekrutuar anëtarë dhe botuar pamflete, krahas futjes kontrabandë në Kosovë të armatimeve dhe municioneve, pajisjeve të komunikimit dhe shtypit dhe foto-kopjimit, ndërsa mbante lidhje me komunitetet shqiptare në mërgim në perëndim.

1992 – Presidenti i përkohshëm i Afganistanit Burhanudin Rabani zgjidhet për të udhëhequr vendin për dy vjet. Ai ishte kandidati i vetëm në kutitë e votimeve.

2006 – Ish-presidenti irakian Sadam Husein ekzekutohet me varje, pasi u gjykua nga Gjykata Speciale e Irakut dhe u gjet fajtor për krime kundër njerëzimit (për vrasjen e 148 Shi’itëve të Irakut në qytetin Dujail në vitin 1982, si hakmarrje për një atentat kundër tij).

Advertisements

Rreth PASQYRIMI

Ky portal është për ty! Për ty i nderuar lexues, që informimin e ke edhe edukim, për ta kuptuar botën ku jeton dhe për të zgjedhur formën më të mirë në të jetuarit e saj. Ne nuk pajtohemi që media të degradojë në atë pikë ku informimi i pambështetur në asnjë parim etik sjell çedukim. Kjo ndodh kur informimi shndërrohet si qëllim në vetvete, pa pyetur për pasoja. Nuk parapëlqejmë të bëjmë më të lehtën gjë, duke e thënë me fjalë se synojmë vërtetësinë e akullt, drejtësinë e pakushtëzuar, dhe etikën e detyruar, por më të vështirën, të cilën ne e besojmë: që dhe lajmi i mirë, është lajm i mirë!

Lini një Përgjigje

Plotësoni më poshtë të dhënat tuaja ose klikoni mbi një nga ikonat për hyrje:

Stema e WordPress.com-it

Po komentoni duke përdorur llogarinë tuaj WordPress.com. Dilni /  Ndryshoje )

Foto Google+

Po komentoni duke përdorur llogarinë tuaj Google+. Dilni /  Ndryshoje )

Foto Twitter-i

Po komentoni duke përdorur llogarinë tuaj Twitter. Dilni /  Ndryshoje )

Foto Facebook-u

Po komentoni duke përdorur llogarinë tuaj Facebook. Dilni /  Ndryshoje )

w

Po lidhet me %s

Të dhëna

Ky zë është postuar më Dhjetor 30, 2017 nga te Sociale dhe etiketuar me , .
//pagead2.googlesyndication.com/pagead/js/adsbygoogle.js (adsbygoogle = window.adsbygoogle || []).push({ google_ad_client: "ca-pub-9659915589375155", enable_page_level_ads: true });

Rreth nesh

Pasqyrimi.com është një portal i pavarur, jo qeveritar, jo politik, i krijuar me vullnet të lirë.


©All Right Reserved ©2016-2017, Pasqyrimi.com
Këtë e pëlqejnë %d blogues: