Britani e Madhe, frikë nga kërcënimet terroriste

Bota gjithnjë e më shumë po bëhet e pasigurt. Pas sulmeve të shumta terroriste edhe frika është më e madhe, në çdo vend të botës. Drejtori i përgjithshëm i shërbimit britanik të inteligjencës MI5, Andreë Parker, ka thënë se Britania gjendet para një kërcënimi më alarmant nga terrorizmi. Sipas tij, kjo për shkak se është edhe e vështirë të zbulohen.

“Kërcënimi është i ndryshëm si kurrë më parë: komplotet bëhen këtu në Britani, por mbërrijnë edhe nga jashtë. Kemi edhe online komplote. Prandaj, janë sulme të planifikuara komplekse, por edhe sulme spontane. Ekstremistët janë të të gjitha grup-moshave, gjinive dhe origjinës, të bashkuar në idologjinë toksike të fitores së dhunshme që i shpie”, theksoi Parker. Sipas tij, një sulm terrorist mund të zhvillohet brenda disa ditësh.

“Ky kërcënim është multidimensional. Zhvillohen shpejtë, kanë një vëllim dhe ritëm, të cilat më parë nuk i kemi parë. Ritëm aq të lartë nuk kam parë në karrierën time 34 vjeçare”, tha Parker.

Parker, megjithatë, pohon se MI5, se gjatë 4 viteve të fundit, ka zbuluar 20 sulme të planifikuara.

Rreth PASQYRIMI

Ky portal është për ty! Për ty i nderuar lexues, që informimin e ke edhe edukim, për ta kuptuar botën ku jeton dhe për të zgjedhur formën më të mirë në të jetuarit e saj. Ne nuk pajtohemi që media të degradojë në atë pikë ku informimi i pambështetur në asnjë parim etik sjell çedukim. Kjo ndodh kur informimi shndërrohet si qëllim në vetvete, pa pyetur për pasoja. Nuk parapëlqejmë të bëjmë më të lehtën gjë, duke e thënë me fjalë se synojmë vërtetësinë e akullt, drejtësinë e pakushtëzuar, dhe etikën e detyruar, por më të vështirën, të cilën ne e besojmë: që dhe lajmi i mirë, është lajm i mirë!

Shihni krejt postimet nga PASQYRIMI →